Şəhidlərin xatirəsi daim sonsuz ehtiram və sevgi ilə anılacaq
Bakı, 20 yanvar, AZƏRTAC
20 Yanvar şəhidlərinin xatirəsi müqəddəsdir.
Bu sözləri Şəhidlər xiyabanını ziyarətə gələn Azərbaycan Dövlət İqtisad Universitetinin dosenti Vahid Ağayev AZƏRTAC-a müsahibəsində bildirib.
O deyib: “20 Yanvar tariximizə qanla yazılıb. Qara Yanvar faciəsi yalnız Azərbaycan xalqına qarşı deyil, insanlığa qarşı törədilən ağır cinayətdir. Bu hadisə zamanı imperiya ordusu tərəfindən günahsız insanların - qocaların, uşaqların, qadınların, gənclərin qanı axıdılıb”.
V.Ağayev ölkəmizin azadlığı, müstəqilliyi yolunda şəhidlik zirvəsinə ucalan Vətən övladlarının əziz xatirəsinin daim sonsuz ehtiram və sevgi ilə anılacağını vurğulayıb.
Bölmənin digər xəbərləri
