ŞƏHİDLƏRİN XATİRƏSİNƏ EHTİRAM
Xəbər verdiyimiz kimi, oktyabrın 21-də Azərbaycanda Rusiya Federasiyasının Sverdlovsk vilayətinin mədəniyyət günləri başlanmışdır. Sverdlovsk vilayətinin nümayəndə heyəti oktyabrın 22-də Şəhidlər xiyabanını ziyarət etmişdir.
Qonaqlar Azərbaycanın müstəqilliyi və ərazi bütövlüyü uğrunda canlarından keçmiş vətən övladlarının xatirəsini ehtiramla yad edərək, şəhid məzarları üzərinə tər qərənfillər düzdülər, “Əbədi məşəl” abidəsinin önünə əklil qoydular.
Mədəniyyət naziri Polad Bülbüloğlu qonaqlara 1990-cı il 20 Yanvar faciəsi barədə və Ermənistan-Azərbaycan, Dağlıq Qarabağ münaqişəsinin ağır nəticələri, ermənilərin vəhşilikləri haqqında ətraflı məlumat verdi.
Sonra Sverdlovsk vilayətinin nümayəndələri Bakının mənzərəsini seyr etdilər, xatirə şəkli çəkdirdilər.
X X X
Həmin gün qonaqlar Azərbaycanın qədim mədəniyyət mərkəzlərindən biri Şuşada Ermənistanın işğalçı ordusu tərəfindən güllələnmiş abidələrə - Natəvanın, Üzeyir Hacıbəyovun, Bülbülün Dövlət İncəsənət Muzeyinin həyətindəki büstlərinə baxdılar.
Bölmənin digər xəbərləri
