ŞER KİTABLARININ MÜƏLLİFLƏRİ... MƏKTƏBLİLƏRDİR
Babək, Culfa, Ordubad və Şərur rayonlarındakı ümumtəhsil məktəblərinin istedadlı şagirdləri Sərxan Yaqub, Kamal Fərəc, Gülzadə İbrahimli, Ruslan Ələkbərlinin ilk şer kitabları işıq üzü görmüşdür. Şerləri Vətənə sədaqət, doğma yurda məhəbbət, təbiətə məftunluq kimi ülvü duyğular aşılayan şagirdlərlə Naxçıvandakı A.Cəlilov adına 12 nömrəli məktəbdə görüş keçirilmişdir.
Naxçıvan Muxtar Respublikasının təhsil naziri Həmzə Cəfərov və başqaları gənc müəllifləri təbrik etmiş, onlara təhsildə və yaradıcılıqla uğurlar arzulamış, ölkəmizdə istedadlı gənclərin dövlət qayğısı ilə əhatə olmasından söz açmışlar.
Gənc müəlliflərə Muxtar Respublikanın Təhsil Nazirliyinin diplomları təqdim edilmişdir.
Bölmənin digər xəbərləri
