Serbiya ilə Türkiyə arasında 11 sənəd imzalanıb
Belqrad, 11 oktyabr, AZƏRTAC
Türkiyə Prezidenti Rəcəb Tayyib Ərdoğanın Serbiyaya səfəri çərçivəsində iki ölkə arasında müxtəlif sahələri əhatə edən 11 əməkdaşlıq müqaviləsi imzalanıb.
AZƏRTAC xəbər verir ki, Serbiya Prezidenti Aleksandar Vuçiç Rəcəb Tayyib Ərdoğanla görüşdə Türkiyənin Balkan regionunda ən böyük gücə və rola malik ölkə olduğunu bildirib. Həmçinin Türkiyənin regionda sülhün və sabitliyin təmin edilməsində əsas rol oynadığını vurğulayıb.
Rəcəb Tayyib Ərdoğan isə ölkəsinin Serbiya ilə münasibətlərdə qızıl dövrünü yaşadığını qeyd edib.
Prezidentlər iki ölkənin müdafiə sənayesi sahəsində əməkdaşlığının perspektivlərini də nəzərdən keçiriblər.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
