Serbiyada parlament seçkilərinin vaxtı açıqlanıb
Sarayevo, 13 iyun, AZƏRTAC
Serbiyada parlament seçkiləri iyunun 21-də keçiriləcək.
AZƏRTAC ölkənin Mərkəzi Seçki Komissiyasına istinadla məlumat verir ki, artıq 21 seçki siyahısı təsdiq edilib. Bunlardan dördü etnik azlıqların, ikisi mövcud hakim mütərəqqi-sosialist koalisiyasını təmsil edən partiyaların, digərləri isə kiçik müxalifət partiyalarının siyahısıdır.
İlkin sorğular parlamentdə kəskin dəyişiklik olmayacağını ehtimal etdirir. Serbiya Prezidenti Alexander Vuçiç rəhbərlik etdiyi Serbiya Mütərəqqi Partiyasına vətəndaşların sağlamlığının təhlükəsizliyinin təmin edilməsi üçün təşviqat mitinqləri keçirməyi qadağan edib.
Artıq seçki bülletenlərinin çapına başlanılıb. Cəmi 6 milyon 583 min 665 blank çap olunacaq ki, qanuna görə bunlardan 32 min 919-u ehtiyat üçündür.
Aygün Əliyeva
AZƏRTAC-ın xüsusi müxbiri
Sarayevo
Bölmənin digər xəbərləri
