Sərtləşdirilmiş karantin rejiminin tətbiq edildiyi şəhər və rayonlardan Lerikə istirahətə gələnlər cərimələniblər
Lerik, 17 iyul, Bağır Əliyev, AZƏRTAC
Sərtləşdirilmiş karantin rejiminin tətbiq olunduğu rayon və şəhərlərdən müvafiq icazə olmadan, qeyri-qanuni yollarla Lerik rayonuna istirahətə gələn şəxslərlə bağlı tədbirlər davam etdirilir.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, sərtləşdirilmiş karantin rejiminin qaydalarını pozaraq qeyri-qanuni yollarla icazəsiz Lerik rayonuna istirahətə gələn şəxslər rayon polis şöbəsinin əməkdaşları tərəfindən keçirilən növbəti reyd zamanı aşkarlanıblar. Həmin şəxslərin barələrində tədbirlər görülüb. Lerik rayonundakı istirahət mərkəzlərində dincələn və Bakı, Gəncə, Sumqayıt sakinləri olan bu şəxslər İnzibati Xətalar Məcəlləsinin müvafiq maddəsinə əsasən cərimələniblər. Qarşıdakı günlərdə qayda pozuntularının təkrarlandığı aşkarlanarsa, barələrində daha ciddi tədbirlər görüləcəyi onların diqqətinə çatdırılıb.
Bölmənin digər xəbərləri
