Sərvər Bayramov: Gələcəkdə süni intellekt kino sənayesinin inkişafında böyük rol oynaya bilər
Bakı, 21 iyul, AZƏRTAC
Azərbaycan Televiziyasının “Tariximizlə qürur duyuruq” layihəsinin ilk ekran əsəri olan, bədii təsvirləri süni intellekt vasitəsilə hazırlanan “Sultan Həsən Bahadur” filminin istehsalı təxminən 3–4 ay çəkdi. Bu müddətə ssenarinin yazılması, obrazların hazırlanması, vizual təsvirlərin yaradılması, səsləndirmə və digər post-prodakşn işləri daxildir. Əgər bu filmi ənənəvi üsulla çəksəydik, ən azı bir il vaxt tələb olunardı.
Bunu AZƏRTAC-a açıqlamasında layihə rəhbəri Sərvər Bayramov deyib.
"Süni intellekt bizə həm vaxta, həm də maliyyə baxımından qənaət etməyə imkan verdi. Hesab edirəm ki, bu texnologiya hələlik ənənəvi kinonu əvəz etmir, lakin gələcəkdə onun imkanları daha da genişlənərək kino sənayesinin inkişafında mühüm rol oynaya bilər", - deyə o bildirib.
Bölmənin digər xəbərləri
