Sərxan Hacıyev: U-16 millimizdən MDB Oyunlarında qızıl medallar gözləyirik VİDEO
Qəbələ, 4 oktyabr, AZƏRTAC
Sevindiricidir ki, milli komandamız turnirə uğurlu start verdi və ümid edək ki, bugünkü final oyununda da istənilən nəticəni əldə edə biləcəyik.
AZƏRTAC xəbər verir ki, bu sözləri AFFA-nın icraçı vitse-prezidenti Sərxan Hacıyev III MDB Oyunlarında Azərbaycan və Rusiya yığmaları arasında keçirilən final matçı zamanı jurnalistlərə açıqlamasında deyib.
O, milli komandamızdan qızıl medallar gözlədiyini bildirib: “Gənclər üçün belə turnirlər çox əhəmiyyətlidir. Onlar gələcəyin futbolçuları olacaqlar və belə yarışlarla peşəkarlıq səviyyələrini artıra bilərlər. Əldə edilən uğurlu nəticələr isə növbəti turnirlər üçün əlavə motivasiyadır. Komandamız yüksək səviyyədə hazırlıq prosesi keçib. AFFA rəhbərliyi tərəfindən müəyyən tapşırıqlar olub. Bu səbəbdən də bu gün nəticənin yaxşı olacağını düşünürük”.
Azərbaycan və Özbəkistanın 2027-ci ildə keçiriləcək 20 yaşadək futbolçulardan ibarət milli komandalar arasında dünya çempionatının final mərhələsinə birgə ev sahibliyi edəcəyi ilə bağlı məsələyə də toxunan S.Hacıyev deyib: “Bu qərar FIFA-nın ölkəmizə olan inam və etibarının göstəricisidir. İnanırıq ki, oyunlar yüksək səviyyədə keçiriləcək”.
Bölmənin digər xəbərləri
