SƏUDİYYƏ ƏRƏBİSTANI KRALLIĞININ MİLLİ BAYRAMI ŞƏRƏFİNƏ
Azərbaycanın və Səudiyyə Ərəbistanının dövlət himnləri səsləndi.
Səudiyyə Ərəbistanının respublikamızdakı fövqəladə və səlahiyyətli səfiri Əli Həsən Cəfər qəbulda çıxış edərək bildirdi ki, 1932-ci il sentyabrın 23-də Krallıq elan olunduğu vaxtdan ötən 72 il ərzində onun ölkəsi inkişaf etmiş güclü islam dövlətinə çevrilmişdir.
Səfir Azərbaycan ilə Səudiyyə Ərəbistanı arasında münasibətlərin dərin tarixi köklərə malik olduğunu və hər iki ölkə rəhbərlərinin siyasəti sayəsində uğurla inkişaf etdiyini vurğuladı.
Sonra çıxış edən Milli Məclis sədrinin müavini Gövhər Baxşəliyeva Azərbaycan Prezidenti İlham Əliyevin adından Səudiyyə Ərəbistanı xalqını milli bayram münasibətilə təbrik etdi.
Parlamentin sədrinin müavini son illərdə Azərbaycanın və Səudiyyə Ərəbistanının qanunvericilik orqanları arasında da əlaqələrin inkişaf etdiyini bildirdi. O, xüsusi vurğuladı ki, Səudiyyə Ərəbistanı Dağlıq Qarabağ probleminin tezliklə sülh yolu ilə həlli məsələsində Azərbaycanın ədalətli mövqeyini həmişə dəstəkləmişdir və indi də dəstəkləyir.
Rəsmi qəbulda parlament sədrinin müavinləri, nazirlər, xarici ölkələrin Bakıdakı səfirləri və digər rəsmi şəxslər, respublika ictimaiyyətinin nümayəndələri iştirak edirdilər.
Bölmənin digər xəbərləri
