Səudiyyə Ərəbistanında benzinin qiyməti artıb
Qahirə,11 avqust, AZƏRTAC
“Saudi Aramco” şirkəti Səudiyyə Ərəbistanında benzinin qiymətini artırıb.
AZƏRTAC xəbər verir ki, bu barədə rəsmi SPA agentliyi məlumat yayıb.
Şirkət bu gündən “91” markalı benzinin qiymətini 1,29 Səudiyyə rialından (SRI) 1,43-ə, “95” markalı “Premium” yanacağı isə 1,44 SRI-dən 1,60-a qaldırıb.
Agentliyin xəbərində qeyd olunur ki, cari ilin fevralından Krallıqda benzinin qiymətləri on gündən bir yenilənir. Şirkət Səudiyyə Ərəbistanında yanacağın qiymətlərini dünya bazarlarına uyğun olaraq tənzimləyir.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
