Seul KXDR ilə hərbi sazişin qüvvəsini dayandırmaq qərarına gəlib
Bakı, 3 iyun, AZƏRTAC
Cənubi Koreya Koreya Xalq Demokratik Respublikası ilə 2018-ci il sentyabrın 19-da imzalanmış hərbi sazişin qüvvəsini dayandırmaq qərarına gəlib.
AZƏRTAC xəbər verir ki, Milli Təhlükəsizlik Şurası hərbi sazişin qüvvəsini “Cənub və Şimal arasında qarşılıqlı etimad bərpa olunana qədər” tamamilə dayandırmaq barədə təklifi Nazirlər Kabinetinin çərşənbə axşamı keçiriləcək iclasına təqdim etməyi qərara alıb.
Qeyd edək ki, saziş iki ölkənin müdafiə nazirləri tərəfindən 2018-ci ildə Pxenyanda keçirilən koreyalararası sammit zamanı imzalanmışdı və sərhəddə bütün düşmənçilik hərəkətlərinin dayandırılmasını nəzərdə tuturdu. Seul bundan əvvəl KXDR-in hərbi kəşfiyyat peyki buraxmasına cavab olaraq sazişin bəzi maddələrinin qüvvəsini dayandırmışdı.
Bölmənin digər xəbərləri
