SİRKDƏ BƏDİİ GECƏ
Bakı Dövlət Sirkində məşhur el pəhləvanı, xalq artisti Rəşid Yusifovun 100 illik yubileyinə həsr olunmuş bədii gecə keçirilmişdir.
Gecəni giriş sözü ilə sirkin bədii rəhbəri və direktoru Maqbet Bunyadov açdı.
Mədəniyyət nazirinin müavini Ədalət Vəliyev xalqımızın idman tarıxində Rəşid Yusifovun əvəzsiz xidmətlərindən, onun uğurlarından danışdı.
Sonra Milli Məclisin deputatı, şair Zəlimxan Yaqub, yazıçı -jurnalist Şərif Kərimli, Rəşid Yusifovun qardaşı qızı Elmira Heydərova və başqaları çıxış etdilər. Natiqlər görkəmli el pəhləvanının şəxsiyyətindən, heyrətamiz fiziki gücə və bacarığa malik olmasından söhbət açdılar, onun həyatının gənc idmançılarımıza layiqli örnək olduğunu söylədilər.
Tədbir istedadlı el pəhləvanlarının, incəsənət və sirk ustalarının maraqlı çıxışları ilə başa çatdı.
Bölmənin digər xəbərləri
