“SİYASİ PARTİYALAR HAQQINDA” YENİ QANUN LAYİHƏSİ HAZIRLANIR
Milli Məclis Aparatının rəhbəri Səfa Mirzəyev AZƏRTAC-a demişdir ki, hazırda qüvvədə olan “Siyasi partiyalar haqqında” Qanun 1992-ci ildə qəbul olunmuşdur və Konstitusiyanın tələblərinə tam cavab vermir. Odur ki, beynəlxalq təcrübə öyrənilməklə “Siyasi partiyalar haqqında” yeni qanun layihəsi hazırlanır. İnkişaf etmiş Avropa ölkələrində qüvvədə olan “Siyasi partiyalar haqqında” qanunlar partiyaların dövlət tərəfindən maliyyələşdirilməsi mexanizmini nəzərdə tutur. Azərbaycanda qəbul olunacaq “Siyasi partiyalar haqqında” yeni qanunda da bu prinsiplər öz əksini tapacaqdır. Siyasi partiyaların maliyyələşdirmə meyarları dəqiqləşdiriləcəkdir. Çünki dünyanın heç bir ölkəsində bütün siyasi partiyalar dövlət tərəfindən maliyyələşdirilmir. Maliyyələşdirmə zamanı hər bir partiyanın regionlar üzrə təmsilçiliyi, seçkilərdə qazandığı səslər və bələdiyyələrdə təmsilçiliyi əsas götürülür. Azərbaycanda da təxminən buna oxşar meyarlar müəyyənləşdirilməlidir.
Hazırlanan yeni qanun Avropa modelinə əsaslanacaq və tam demokratik sənəd olacaqdır.
Bölmənin digər xəbərləri
