S.Jeleznyak: Qarşılıqlı münasibətlərimizdə informasiya qıtlığı yoxdur
S.Jeleznyak Soçidə keçirilən “Bütün Rusiya - 2014” festivalında AZƏRTAC-a müsahibəsində deyib: “Ölkələrimiz və liderlərimiz arasında həm ikitərəfli əsasda, həm də beynəlxalq mövzular çərçivəsində geniş əhatəli tədbirlər keçirilir. Lakin emosional xarakterli mədəni tədbirlər gənclər auditoriyası, habelə oxucu və tamaşaçı auditoriyasının siyasət və beynəlxalq münasibətlərlə o qədər də maraqlanmayan hissəsi üçün daha maraqlı olardı”. Siyasətçi qeyd edib ki, ölkələrimiz arasında müxtəlif səviyyələrdə, o cümlədən hökumətlər, parlamentlər və ictimai təşkilatlar səviyyəsində inkişaf edən fəal siyasi dialoq mövcuddur. Gənclər təşkilatlarının da bu dialoqa daha geniş cəlb olunması vacibdir.
Rusiya Jurnalistlər İttifaqının təşkilatçılığı ilə Soçidə XVIII “Bütün Rusiya - 2014” festivalı açılıb. Rusiyanın bütün regionlarından bir neçə yüz KİV əməkdaşını bir araya gətirən festivalda döyüş zonalarında işləyən jurnalistlərin təhlükəsizliyini, peşə fəaliyyətinin hüquqi və etik aspektlərini, regional mətbuatının fəaliyyətini, jurnalistikada dizayn problemlərini və digər məsələləri müzakirə etmək nəzərdə tutulur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
