Slovakiya-Azərbaycan oyununda qalib müəyyənləşməyib
Bakı, 8 aprel, AZƏRTAC
Aprelin 8-də futzal üzrə Azərbaycan milli komandası Avropa çempionatının seçmə mərhələsi çərçivəsində növbəti oyununu keçirib.
AZƏRTAC xəbər verir ki, millimiz Levice şəhərindəki eyniadlı idman zalında Slovakiya yığması ilə qarşılaşıb.
Gərgin idman mübarizəsi şəraitində keçən görüş 1:1 hesablı heç-heçə ilə yekunlaşıb. Millimizn heyətində Everton Cardoso fərqlənib.
Xallarının sayını 13-ə yüksəldən millimizin qrupu ilk pilədə başa vuracağı qətiləşib.
Seçmə mərhələnin son oyununda millimiz aprelin 14-də Bakı İdman Sarayında Yunanıstan yığması ilə üz-üzə gələcək.
Qeyd edək ki, ötən tur Azərbaycan millisi tarixində 6-cı dəfə Avropa çempionatının final mərhələsinə vəsiqəni təmin edib.
Bölmənin digər xəbərləri
