SOCAR Ukraynadakı yanacaqdoldurma məntəqələrinin yarısında sığınacaqların yaradılmasını yekunlaşdırıb
Kiyev, 22 may, AZƏRTAC
SOCAR-ın Ukraynadakı nümayəndəliyinin yanacaqdoldurma məntəqələrinin yarısında hava həyəcanı zamanı müştərilərin təhlükəsizliyini təmin etmək məqsədilə sığınacaqların yaradılması başa çatdırılıb.
Bu barədə AZƏRTAC-a “SOCAR Ukraine”nin mətbuat xidmətindən məlumat verilib.
Bildirilib ki, artıq Odessa, Nikolayev, Lvov, Dnepr, Jitomir, Rivnə, Çerkassı bölgələrində yerləşən SOCAR-ın yanacaqdoldurma məntəqələrində sığınacaqlar yaradılıb. Sığınacaqlardan hava hücumu siqnalı zamanı istifadə edilə bilər.
Sığınacaqlar yanacaqdoldurma məntəqələrinin yaxınlığında yerləşir və onların şəbəkəsi genişlənir.
Bundan başqa, SOCAR-ın Odessa və Lvovda yerləşən anbarlarında da sığınacaqlar yaradılıb.
Yaxın zamanlarda isə SOCAR-ın bütün yanacaqdoldurma məntəqələrində sığınacaqların yaradılması başa çatdırılacaq.
Bölmənin digər xəbərləri
