Son gündə Özbəkistanda koronavirusdan 14 nəfər ölüb
Daşkənd, 12 avqust, АZƏRTAC
Son vaxtlar Özbəkistanda COVID-19 koronavirusuna yoluxanların və ölənlərin sayı artır. Son 24 saat ərzində isə virusa 679 nəfər yoluxub, koronavirus xəstələrinin ümumi sayı 32 min 215 nəfərə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son sutkada virusdan 14 nəfər vəfat edib və ölənlərin sayı 208 nəfərə çatıb.
Xəstəxanalarda 7 min 917 nəfərin olduğu bildirilir, onların 308-nin vəziyyəti ağır, 428-nin isə kritikdir.
Xatırladırıq ki, avqustun 15-dək ölkədə karantin rejimi qüvvədədir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
