Son sutkada Qırğızıstanda COVID-19 koronavirusuna 304 nəfər yoluxub
Bişkek, 12 avqust, АZƏRTAC
Son 24 saatda Qırğızıstanda COVID-19 koronavirusuna 304 nəfər yoluxub və bu virusa yoluxanların ümumi sayı 40 min 759 nəfər olub.
AZƏRTAC Qırğızıstan Səhiyyə Nazirliyinə istinadla xəbər verir ki, son gündə ölkədə koronavirusdan 6 nəfər ölüb və dünyasını dəyişənlərin sayı 1484 nəfərə çatıb.
Bildirilir ki, son gündə virusa 14, ümumiyyətlə isə 2 min 981 tibb işçisi yoluxub.
Xəstəxanalarda 6 mindən artıq pasiyent olduğu bildirilir.
Məlumatda qeyd edilir ki, son gündə Moskvadan 400-dən artıq, Yekaterinburqdan isə 183 Qırğızıstan vətəndaşı Bişkekə gətirilib.
Ölkə mətbuatı yazır ki, Qırğızıstan Türkiyə və Birləşmiş Ərəb Əmirlikləri ilə hava əlaqələrini bərpa edib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
