Son sutkada Qırğızıstanda koronavirusdan 44 nəfər ölüb
Bişkek, 22 iyul, AZƏRTAC
Qırğızıstanda COVID-19 koronavirusu ilə bağlı vəziyyət gərgin olaraq qalır. Hər gün mindən çox adam bu virusa yoluxur.
Son sutkada 1108 adam virusa yoluxub, onlardan 324-ü Bişkekin payına düşür. Beləliklə respublikada bu virusa yoluxanların sayı 29 min 359 nəfərə çatıb. Son gündə 44, ümumilikdə 1123 xəstə ölüb.
AZƏRTAC Qırğızıstan Koronavirusla Mübarizə üzrə Respublika Qərargahına istinadla xəbər verir ki, son 24 saatda 50, pandemiya dövründə isə 2 min 478 tibb işçisi virusa yoluxub.
Ötən gecə Rusiyanın 20 nəfərdən ibarət hərbi həkim briqadası koronavirusla mübarizə tədbirləri çərçivəsində Qırğızıstana köməyə gəlib. Rusiya Müdafiə Nazirliyinin təyyarəsində ölkəyə həm də humanitar yardım gətirilib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
