“SÖZÜN İŞIĞI” KİTABININ TƏQDİMATI KEÇİRİLMİŞDİR
Yazıçılar Birliyinin birinci katibi, xalq şairi Fikrət Qoca tədbiri açaraq Ş.Zərinin yaradıcılığından danışmışdır.
Professor Qəzənfər Kazımov və başqaları qeyd etmişlər ki, şairənin yaradıcılığında təkcə boya-başa çatdığı, indi müvəqqəti olaraq erməni işğalı altında qalan Cəbrayıl rayonunun Horovlu kəndinin deyil, ümumilikdə Qarabağ həsrətindən irəli gələn kədər daha çox üstünlük təşkil edir.
Kitaba giriş sözündə tənqidçi Vaqif Yusifli yazır: “Ş.Zərin son illərin ictimai, milli, mənəvi ağrı-acıları ilə yaşayır və şeirlərində də bu ağrı-acıları əks etdirir. Onu öz yurdundan-yuvasından didərgin düşən həmvətənlərimizin taleyi daha çox təsirləndirir... Mən bu kitabı həzin duyğulu, ana ürəkli şairlərimizin poeziyada poetik bəyanatı hesab edirəm”.
Axırda Şövkət xanım tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
