STALİN, ÇÖRÇİLL VƏ RUZVELTİN NƏVƏLƏRİ DÜNYA BÖLGÜSÜNƏ HAQQ QAZANDIRIRLAR
Böyük Britaniya, ABŞ və SSRİ liderlərinin nəvələri Yalta konfransında qəbul edilmiş qərarların müharibədən sonrakı Avropanın müqəddəratına təsirini konfransdan 60 il sonra araşdırmaq üçün Maastrixt Universitetinin keçirdiyi elmi konfransa dəvət olunmuşlar.
Bir-biri ilə ilk dəfə görüşən Körtis Ruzvelt, Uinston Çörçill və Yevgeni Cuqaşvili Yalta konfransını və onun yekunlarını müdafiə etmişlər. Məsələn, Ruzveltin nəvəsi Prezident Corc Buşun bu yaxınlarda verdiyi belə bir bəyanatı tənqid etmişdir ki, Yalta konfransı nəticəsində kiçik ölkələr uzun illər əsarət altında olmuş və repressiyalara məruz qalmışlar.
Üç ölkənin sabiq liderlərinin nəvələri İkinci Dünya müharibəsi, ikinci cəbhənin açılması, Şərqi Avropaya azadlıq gətirilməsi ilə bağlı məsələləri müzakirə etmiş, məşhur babalarının eyni nöqteyi-nəzərlərini qorumuşlar. Cuqaşvili bildirmişdir ki, ABŞ və Böyük Britaniya ikinci cəbhənin açılmasını həddindən ziyadə uzatmışlar. Çörçill və Ruzvelt isə əminliklə söyləmişlər ki, “soyuq müharibə”nin başlanmasında məhz Sovet İttifaqı təqsirkardır.
Bölmənin digər xəbərləri
