Stolüstü tennisçimiz Gənclər üzrə Olimpiya Oyunlarının Avropa təsnifat turnirində iştirak edəcək
Bakı, 12 fevral, AZƏRTAC
Fevralın 12-13-də Çexiyanın Xodonin şəhərində Gənclər üzrə Olimpiya Oyunlarının Avropa təsnifat turniri keçiriləcək.
Azərbaycan Stolüstü Tennis Federasiyasından AZƏRTAC-a bildirilib ki, 33 oğlan və 29 qız tennisçinin qatıldığı turnirdə qalib gələn dörd idmançı 2018 Buenos-Ayres Gənclər üzrə Olimpiya Oyunlarına lisenziya qazanacaq. Bu yarışda Azərbaycanı bir oğlan tennisçi təmsil edir.
Xatırladaq ki, noyabr 3-5-də 2017-ci ildə Xorvatiyanın Split şəhərində keçirilən Avropa təsnifat turnirində qız tennisçimiz ilk lisenziyamızı qazanıb.
Bölmənin digər xəbərləri
