SU EHTİYATLARINDAN DAHA SƏMƏRƏLİ İSTİFADƏ OLUNUR

18.09.2004 [11:12]
Çap et
A⁺ A^-

Meliorasiya və Su Təsərrüfatı Komitəsindən AZƏRTAC-ın müxbirinə bildirmişlər ki, bu ilin 8 ayı ərzində Azərbaycanda su itkisinin miqdarı əhəmiyyətli dərəcədə azalmış, suvarılan sahələrdə kənd təsərrüfatı bitkilərinin məhsuldarlığı xeyli yüksəlmişdir.

Suyun taarifi onun əkin sahələrinə çatdırılmasına çəkilən xərcin cəmi 6,7 faizi miqdarında müəyyən edilmiş, yerdə qalan xərc isə dövlət hesabına ödənilmişdir.

Son vaxtlar kənd təsərrüfatında sudan pullu istifadə sahəsində xeyli irəliləyiş əldə olunmuşdur. İlin əvvəlindən indiyədək 5 milyard 149 milyon manat su pulu toplanılmışdır ki, bu da ötən ilin müvafiq dövrü ilə müqayisədə 1 milyard 248 milyon manat çoxdur.

Bu sahədə Ağcabədi, Beyləqan, Hacıqabul, Neftçala, Saatlı, Sabirabad, Şəmkir, Tovuz və Lənkəran rayonlarında vəziyyət daha yaxşıdır.