“Sumqayıt” futbol klubu müqavilə imzaladığı oyunçudan imtina edib
Sumqayıt, 16 fevral, Ətrabə Rzayeva, AZƏRTAC
“Sumqayıt” futbol klubu qış transfer pəncərəsində heyətinə qatdığı futbolçu Peyman Keşavarzdan imtina edib.
Klubun mətbuat xidmətindən AZƏRTAC -a bildirilib ki, bu, 22 yaşlı müdafiəçinin mövsüm ərzində artıq iki komandada oynaması ilə bağlıdır. Futbolçunun sənədləri gec gəlib və onun barəsində məlumat toplamaq çətin olub.
Qeyd edək ki, Peyman Keşavarz “Sumqayıt”la 6 ay + 1 illik müqavilə imzalayıb. Lakin onun cari mövsümdə Omanın “Yasan Al-Vaste” və “Qostareş Fulad” komandalarında çıxış etdiyi müəyyənləşib.
Bölmənin digər xəbərləri
