“Sumqayıt” klubunun prezidenti Klublar Komitəsinin sədri seçilib
Bakı, 22 fevral, AZƏRTAC
Fevralın 22-də AFFA-nın inzibati binasında Klublar Komitəsinin növbəti iclası keçirilib.
AZƏRTAC AFFA-ya istinadla xəbər verir ki, iclasda Azərbaycan Premyer Liqasında mübarizə aparan “Qarabağ”, “Qəbələ”, “Neftçi”, “Keşlə”, “Sumqayıt”, “Zirə”, “Səbail” və “Sabah” klublarının nümayəndələri, Hakimlər Komitəsinin sədri Fritz Ştuxlik, Hakimlər Departamentinin sədri Cavid Cəlilov iştirak ediblər.
Klublar Komitəsinin Əsasnaməsinə uyğun olaraq, seçki keçirilib. Səs çoxluğu ilə “Sumqayıt” klubunun prezidenti Riad Rəfiyev növbəti 1 il müddətinə Klublar Komitəsinin sədri seçilib.
Bölmənin digər xəbərləri
