Sumqayıt polisi karantin rejimi qaydalarına gündəlik olaraq ciddi nəzarət edir
Sumqayıt, 22 iyul, Ətrabə Rzayeva, AZƏRTAC
COVID-19 infeksiyasının yayılmasının qarşısının alınması məqsədilə Sumqayıtda sərtləşdirilmiş xüsusi karantin rejimi qaydalarına əməl etməyən, mövcud preventiv tədbirlərin şərtlərinin pozulması ilə müşayiət olunan hallar aşkar olunub.
Sumqayıt Şəhər Polis İdarəsindən AZƏRTAC-a bildirilib ki, iyulun 18-dən 21-dək şəhərdə icazəsiz olaraq hərəkət etdiyinə görə 169, ictimai yerlərdə, həmçinin taksi və avtobuslarda tənəffüs yollarını qoruyan fərdi vasitələrdən istifadə edilmədiyinə görə 189 şəhər sakini cəzalandırılıb. Ümumilikdə, 358 şəxs barəsində Azərbaycan Respublikası İnzibati Xətalar Məcəlləsinə görə protokol tərtib olunub.
Polis şəhər ərazisində gündəlik olaraq ciddi nəzarət tədbirlərini davam etdirir.
Bölmənin digər xəbərləri
