SUMQAYITDA MƏCBURİ KÖÇKÜNLƏR ÜÇÜN YENİ MƏKTƏB AÇILMIŞDIR
Martın 1-də Sumqayıtda Zəngilan rayonunun 19 nömrəli orta məktəbinin yeni binasının açılışı olmuşdur. ABŞ hökumətinin maliyyə dəstəyi ilə inşa edilmiş və hər cür şəraiti olan məktəbdə 124 şagird təhsil alacaqdır.
Tədbirin açılışında çıxış edən ABŞ-ın Azərbaycandakı səfiri Rino Harniş demişdir ki, bu, müdafiə sahəsində əməkdaşlıq şöbəsi ilə birgə “World Hopen” qeyri-kommersiya təşkilatının həyata keçirdikləri beşinci layihədir. Bizim məqsədimiz respublikanın təhsil sisteminə dəstək verməkdir.
Respublika Baş nazirinin müavini, Dövlətqaçqınkomun sədri Əli Həsənov, Milli Məclisin deputatı İmamverdi İsmayılov, təhsil nazirinin müavini İsgəndər İsgəndərov, Azərbaycandakı “World Hopen” təşkilatının rəhbəri Uill Ceyms və başqaları toplaşanları təbrik etmiş və yeni məktəbin tədris işinə kömək edəcəyinə ümidvar olduqlarını bildirmişlər.
Məktəblilər qonaqları ingilis dilində salamlamışlar.
Qonaqlar yeni məktəbi gəzmiş müasir mebellə və texniki avadanlıqla təchiz edilmiş işıqlı sinif otaqlarına baxmışlar.
Bölmənin digər xəbərləri
