Sumqayıtda məktəbdə baş verən yanğın söndürülüb
Sumqayıt, 9 fevral, AZƏRTAC
Sumqayıtdakı 23 nömrəli tam orta məktəbdə yanğın baş verib.
Fövqəladə Hallar Nazirliyindən AZƏRTAC-a bildirilib ki, fevralın 9-da gecə saatlarında orta məktəbin yerləşdiyi dördmərtəbəli binanın 3-cü mərtəbəsində yanğın baş verib. Dərhal hadisə yerinə FHN-in əməkdaşları cəlb olunub. Məktəbin 1 otağının giriş qapısı qismən, sahəsi 30 kvadratmetr olan sinif otağında kitab şkafı və içərisinə yığılmış əşyalar 5 kvadratmetr sahədə, dəhlizdə 2 ədəd stul və 1-ci mərtəbənin dəhlizində masanın üzərində parça örtük yanıb.
Binanın qalan hissəsi yanğından mühafizə olunub. Yanğından mühafizə bölmələri tərəfindən yanğın söndürülüb.
Bölmənin digər xəbərləri
