SURQUTDA ƏCNƏBİ FƏHLƏLƏRİN ZƏHƏRLƏNMƏSİ FAKTI ÜZRƏ İŞİN TƏHQİQİ XÜSUSİ NƏZARƏTDƏDİR
AZƏRTAC-ın xəbər verdiyi kimi, ötən istirahət günləri Xantı-Mansı Muxtar Mahalının (XMMM) Surqut rayonunda Türkiyənin “Kontek” tikinti firmasının 174 fəhləsi “qida məhsulundan zəhərlənmə” diaqnozu ilə xəstəxanaya qoyulmuşdur. Prokurorluq bu faktla əlaqədar cinayət işi qaldırmışdır. İTAR-TASS agentliyi xəbər verir ki, Rusiya Baş prokurorunun Ural federal dairəsi üzrə müavini Yuri Zolotov işin təhqiqinin gedişini xüsusi nəzarətə almışdır. O, mahal prokuroruna göstəriş vermişdir ki, bu fövqəladə hadisənin bütün təfərrüatının öyrənilməsini, təqsirkarların, o cümlədən fəhlələrin yaşadıqları və işlədikləri yerlərdə sanitariya qaydalarının kobudcasına pozulmasına yol vermiş rəhbər işçilərin müəyyən olunmasını təmin etsin.
Xəstəxanaya qoyulanların 122-si Türkiyə, 2-si Azərbaycan, qalanları isə Tacikistan, Özbəkistan və Qırğızıstan vətəndaşlarıdır.
Bölmənin digər xəbərləri
