Şuşa Dövlət Musiqili Dram Teatrının quruluşunda “Xocalı” tamaşasının premyerası olacaqdır
Bakı, 23 fevral (AZƏRTAC). Fevralın 24-də “Azersun Holdinq” şirkətlər qrupunun mədəniyyət mərkəzində Şuşa Dövlət Musiqili Dram Teatrının quruluşunda “Xocalı” tamaşanın premyerası keçiriləcəkdir.
Teatrın mətbuat xidmətindən AZƏRTAC-a bildirmişlər ki, Xocalı soyqırımının 22-ci ildönümünə həsr edilmiş tamaşa şair Zərəngiz Dəmirçi Qayalının “Cavab ver” poeması əsasında səhnələşdirilmişdir.
Tamaşanın rejissoru Lalə Zeynalova, musiqi tərtibatçısı Azad Məmmədovdur.
Rolları Əməkdar Artist Şükufə Məmmədova, aktyorlar Rafət Mehdiyev, Emil Məmmədov, Püstəxanım Zeynalova, Məmməd Məmmədov və başqaları ifa edəcəklər.
Bölmənin digər xəbərləri
