“Şuşa şəhərinin tarixi” kitabı nəşr olunub
Bakı, 23 may, AZƏRTAC
AMEA-nın A.A.Bakıxanov adına Tarix İnstitutunun Şimali Azərbaycanın XIX-XX əsrin əvvəlləri tarixi şöbəsinin aparıcı elmi işçisi tarix üzrə fəlsəfə doktoru dosent Gülcamal Sadıxovanın “Şuşa şəhərinin tarixi (XIX - XX əsrin əvvəlləri)” kitabı nəşr olunub.
İnstitutdan AZƏRTAC-a bildirilib ki, kitabın elmi redaktorları AMEA-nın müxbir üzvü, professor Mahmud İsmayılov, tarix üzrə fəlsəfə doktoru dosent Hacı Həsənov, rəyçiləri tarix üzrə fəlsəfə doktoru dosent Vidadi Umudlu və tarix üzrə fəlsəfə doktoru dosent Ənvər Məmmədovdur.
Təqdim olunan kitab ilk dəfə 2004-cü ildə rus dilində işıq üzü görüb. Keçən müddət ərzində davam etdirilən tədqiqatlar nəticəsində elmi dövriyyəyə yeni sənəd və materiallar gətirilib, bununla da kitabın yeni nəşrinin hazırlanması zərurəti yaranıb. Kitabda Şuşa şəhərinin qısa tarixi oçerki verilir,sonra XIX-XX əsrin əvvəllərində şəhərin ərazisi, əhalisi, inzibati-idarə sistemi, iqtisadi, ictimai-siyasi və mədəni həyatı hərtərəfli tədqiqat obiyekti olur.
Kitabdan Şuşa şəhərinin tarixi ilə maraqlanan tədqiqatçılar, həmçinin geniş oxucu kütləsi istifadə edə bilər.
Bölmənin digər xəbərləri
