SUVARMA PAYLAYICI SİSTEMİ VƏ ONUN İDARƏ OLUNMASI TƏKMİLLƏŞDİRİLİR
Meliorasiya və Su Təsərrüfatı Komitəsindən (MSTK) AZƏRTAC-ın müxbirinə bildirmişlər ki, layihə sudan istifadə edənlər birliklərinin qanunvericiliyə uyğun təşkilini, onların inkişafını və gücləndirilməsini, Sabirabad, Saatlı, İmişli, Beyləqan, Ağcabədi, Zərdab, Goranboy, Xaçmaz, Quba, habelə Naxçıvan Muxtar Respublikasının Babək və Şərur rayonlarında təxminən 56 min hektar ərazidə suvarma paylayıcı sistemlərin bərpasının və idarə olunmasının təkmilləşdirilməsini nəzərdə tutur.
Layihə çərçivəsində təsərrüfatlararası suvarma sistemləri, o cümlədən 140 min hektar sahəyə xidmət edən Araz çayı üzərindəki Bəhramtəpə su qovşağı bərpa olunacaqdır.
Hazırda MSTK layihəni gerçəkləşdirmək üçün beynəlxalq məsləhətçi firmaları seçir. Bununla yanaşı, sudan istifadəedənlər birliklərinə dəstək qruplarının mütəxəssisləri layihənin həyata keçiriləcəyi rayonlarda məşğələlər aparırlar.
Bölmənin digər xəbərləri
