TACİKİSTANIN VƏ AZƏRBAYCANIN İQTİSADİ MÜNASİBƏTLƏRİ ONLARIN POTENSİALINA UYĞUN DEYİLDİR

14.09.2004 [18:28]
Çap et
A⁺ A^-

AZƏRTAC “Novosti” agentliyinə istinadla xəbər verir ki, bunu Tacikistan Prezidenti Emoməli Rəhmonov İqtisadi Əməkdaşlıq Təşkilatının üzvü olan dövlətlərin zirvə toplantısının yekunlarına dair sentyabrın 14-də Düşənbədə keçirilən mətbuat konfransında bildirmişdir.

E.Rəhmonov demişdir ki, Tacikistanla Azərbaycan arasında əməkdaşlığa yeni təkan verilməsi üçün müvafiq sənədlər hazırlanır. Prezidentin sözlərinə görə, o, Azərbaycan Prezidenti İlham Əliyevi Tacikistana səfərə dəvət etmişdir. E.Rəhmonov bildirmişdir ki, SSRİ-nin süqutundan sonra Tacikistanın Azərbaycanla bütün münasibətləri kəsilmişdir, hazırda onlar yenidən qurulur.

Tacikistan Dövlət Statistika Agentliyinin məlumatına görə, cari ilin yanvar-iyulunda iki ölkə arasında xarici ticarət dövriyyəsi 53 milyon 932,4 min dollar olmuşdur. Tacikistandan ixrac 15,4 min dollar, idxal isə 53 milyon 908 min dollar təşkil etmişdir.

TACİKİSTANIN VƏ AZƏRBAYCANIN İQTİSADİ MÜNASİBƏTLƏRİ ONLARIN POTENSİALINA UYĞUN DEYİLDİR

MÜƏLLİFLƏ ƏLAQƏ

Bölmənin digər xəbərləri