TBİLİSİDƏ DÜNYA AZƏRBAYCANLILARININ HƏMRƏYLİYİ GÜNÜ MÜNASİBƏTİLƏ TƏDBİR KEÇİRİLMİŞDİR
AZƏRTAC-ın xüsusi müxbiri xəbər verir ki, dekabrın 31-də Tbilisidə Gürcüstan Azərbaycanlıları İttifaqının təşəbbüsü ilə Dünya azərbaycanlılarının həmrəyliyi gününə həsr olunmuş tədbir keçirilmişdir. İttifaqın sədri Süleyman Süleymanov harada yaşamasından asılı olmayaraq, azərbaycanlıların bu günü birlik və həmrəyliyin, milli özünütəsdiqin nümayişi kimi qeyd etdiklərini vurğulamışdır. O demişdir ki, bu bayramı tarix özü yaratmış və ulu öndərimiz Heydər Əliyev taleyin hökmü ilə onun bilavasitə icraçısına çevrilmişdir. Bu elə bir zərurətdir ki, yalnız əli zamanın nəbzində olan, yolun başlanğıcında onun sonunu görən müdrik şəxsiyyətlərə nəsib olur.
Tədbir iştirakçıları Heydər Əliyevin uzaqgörənliyindən danışmış, hazırda müstəqil Azərbaycanın taleyinin etibarlı əllərdə olduğundan məmnunluq duyduqlarını vurğulamışlar.
Bölmənin digər xəbərləri
