“TƏHLÜKƏSİZLİK SEKTORUNA PARLAMENT NƏZARƏTİ”KİTABININ TƏQDİMAT MƏRASİMİ
Sentyabrın 30-da Milli Məclisdə “Təhlükəsizlik sektoruna parlament nəzarəti” kitabının təqdimatı olmuşdur.
Parlament sədrinin müavini Ziyafət Əsgərov oxuculara təqdim olunan bu kitabın Parlamentlərarası İttifaq və Silahlı Qüvvələrə Demokratik Nəzarətin Cenevrə Mərkəzi tərəfindən birgə hazırlandığını, bütün ölkələr üçün eyni dərəcədə yararlı olan vahid parlament nəzarəti modelinə əsaslandığını bildirmişdir.
Kitaba ön sözü Parlamentlərarası İttifaq Şurasının prezidenti Serqio Verdug yazmışdır. Müəlliflər sırasında ABŞ, Türkiyə, Rusiya və digər ölkələrin mütəxəssisləri də vardır.
Əsərdə təhlükəsizlik sahəsində parlament fəaliyyətinin bəzi qaydalarından, mexanizmlərindən və görülən işlərdən bəhs olunur.
Səkkiz bölmədən ibarət kitabda təhlükəsizlik sektoru üzərində parlament nəzarətinin təşkili, milli təhlükəsizlik siyasəti silsiləsinin bütün mərhələləri, təhlükəsizlik məsələlərində vətəndaş cəmiyyətinin və KİV–lərin rolu, fövqəladə vəziyyətlərdə daxili sabitliyin və təhlükəsizliyin təmin olunması, müdafiə büdcəsinə parlament və dövlət auiditi orqanlarının nəzarət mexanizmləri öz əksini tapmışdır.
Almaniya Texniki Əməkdaşlıq Təşkilatının (GTZ) eksperti Vilhelm Gerhard, parlamentin hüquq siyasəti və dövlət quruculğu məsələləri daimi komissiyasının sədri Əli Hüseynov və başqaları kitabın əhəmiyyətindən danışmışlar.
Tədbirdə Milli Məclisin deputatları, GTZ-nin ekspertləri iştirak etmişlər.
Bölmənin digər xəbərləri
