Tehranda Xocalı soyqırımı ilə əlaqədar “dəyirmin masa” keçiriləcəkdir
Tehran, 23 fevral (AZƏRTAC). Xocalı soyqırımının 22-ci ildönümü ilə əlaqədar Azərbaycan Respublikasının Tehrandakı səfirliyində “dəyirmi masa” təşkil olunacaqdır.
Tədbirə İran rəsmiləri, şəhər ictimaiyyətinin nümayəndələri, Tehrandakı diplomatik korpusun təmsilçiləri, beynəlxalq təşkilatların rəhbərləri, paytaxtda təhsil alan Azərbaycandan olan tələbələr dəvət edilmişlər.
Mərasimdə Xocalı soyqırımı qurbanlarının əziz xatirəsi ehtiramla yad olunacaq, faciənin dəhşətlərini əks etdirən sənədli film nümayiş etdiriləcək, qanlı hərbi cinayətə dair fotosərgi aşılacaq, iştirakçılara Azərbaycan və fars dillərində hazırlanmış DVD, CD, kitab, qəzet, buklet və digər əyani materiallar paylanılacaqdır.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
