Təhsil İnstitutu: Təlimlərdə 130-dan artıq metodik kabinet əməkdaşı və müəllim iştirak edib
Bakı, 6 noyabr, AZƏRTAC
Təhsil İnstitutunun Metodik dəstək və peşəkar inkişaf mərkəzinin region müəllimləri və metodik kabinet əməkdaşları üçün “Səmərəli öyrədici mühitin qurulması” və “Müasir məzmun və formalı dərsdənkənar işin təşkili” adlı onlayn təlimləri davam edir.
İnstitutdan AZƏRTAC-a bildirilib ki, mərkəzin əməkdaşları Nigar Əhmədzadə, Aynur Həşimova, Ayşə İsmayılova, Fidan Abbasova, Məhəbbət Məhərrəmova və Səbinə Balayevanın təqdimatında Balakən, İmişli, Qəbələ, Quba, Masallı, Şəki və Tovuz rayonları üzrə təlimlər keçirilib. Oktyabrın 19-dan noyabrın 5-dək keçirilən təlimlərə ümumilikdə 130-dan artıq metodik kabinet əməkdaşı və müəllim qoşulub.
Təlimlər növbəti aylarda da davam etdiriləcək. Təlimlərin 30 region və hər bir region üzrə 25 məktəbin müəllimləri üçün keçirilməsi nəzərdə tutulub.
Bölmənin digər xəbərləri
