TƏHSİL NAZİRİ “DÜNYAYA BAXIŞ” TƏŞKİLATININ LAYİHƏ RƏHBƏRİ İLƏ GÖRÜŞMÜŞDÜR
Nazirlikdən AZƏRTAC-a bildirmişlər ki, Misir Mərdanov rəhbərlik etdiyi qurumun YUNESKO, Beynəlxalq Tibb Korpusu və “Dünyaya baxış” təşkilatı ilə birgə respublikamızda həyata keçirdiyi inkluziv təhsil layihəsi çərçivəsində aparılan işlərdən danışmışdır. Bildirmişdir ki, xüsusi qayğıya ehtiyacı olan uşaqların həyatından bəhs edən “Yuxuların çin olduğu yerdə” kitabı üzrə orta məktəblərdə inşa yazı müsabiqəsi keçirilmişdir.
Qeyd edilmişdir ki, pilot layihə Bakının Nərimanov rayonunun 200 nömrəli bağça-məktəb-lisey kompleksində tətbiq olunmuş və cari ildə həmin layihənin genişləndirilməsi istiqamətində müvafiq tədbirlər həyata keçirilir.
Xanım Lesli Harniş “Dünyaya baxış” təşkilatının ölkəmizdə inkluziv təhsil üzrə gördüyü işlərdən bəhs etmiş və layihənin həyata keçirildiyi təlim-tərbiyə müəssisələrindəki mövcud problemləri nəzərə çarpdırmışdır.
Görüşdə inkluziv təhsil üzrə treninq keçmiş müəllimlərə sertifikat verilməsi, bir qrup mütəxəssisin təcrübə toplamaq üçün Amerika Birləşmiş Ştatlarına göndərilməsi məsələləri, eləcə də qarşıda duran vəzifələr də geniş müzakirə olunmuşdur.
Bölmənin digər xəbərləri
