Təhsil Problemləri İnstitutunda Xocalı soyqırımı yad edilib
Bakı, 26 fevral, AZƏRTAC
Təhsil Problemləri İnstitutunda (TPİ) Xocalı soyqırımının 24-cü ildönümü ilə əlaqədar anma tədbiri keçirilib.
İnstitutdan AZƏRTAC-a bildiriblər ki, tədbirdə TPİ-nin direktoru, hüquq üzrə fəlsəfə doktoru Qulu Novruzov Xocalı soyqırımını dünya ictimaiyyətinin gözü qarşısında törədilən, insanlığa sığmayan dəhşətli hadisə kimi dəyərləndirib. Bildirilib ki, belə soyqırımlar Zəngəzurda, İrəvanda, Göyçədə, Bakıda və başqa yerlərdə də törədilib. Bütün bunlar unudulmamalı, gələcək nəsillərə ötürülməli, bütün dünyaya çatdırılmalıdır.
Q.Novruzov Xocalı soyqırımının dünyaya çatdırılması istiqamətində Heydər Əliyev Fondunun gördüyü işlərin əhəmiyyətini xüsusi vurğulayıb.
Digər çıxış edənlər də faciənin dəhşətlərindən danışıb, tökülən qanların yerdə qalmayacağına inandıqlarını bildiriblər.
Bölmənin digər xəbərləri
