TƏLƏBƏLƏR PARİSDƏ 20 YANVARLA BAĞLI MƏLUMAT YAYMIŞLAR
Assosasiya yanvarın 19-da ölkəmizin tarixində qanlı səhifəyə çevrilmiş 20 yanvar faciəsinə dair internet vasitəsilə “Azadlıq bahasına : qanlı faciə (20 yanvar 1990 – Bakı) Azərbaycan” adı altında geniş məlumat yaymışdır.
Məlumatda bildirilir ki, 1990-cı il yanvar ayının 19-dan 20-nə keçən gecə əli qana bulaşmış sovet ordusu, heç bir hüquqi əsası olmadan, Azərbaycandakı azadlıq hərəkatını boğmaq məqsədilə xəbərdarlıqsız Bakıya yeridilmiş və dinc əhalini gülləborandan keçirmişdir. Bu, o dövrdəki SSRİ Konstitusiyasının 119 və Azərbaycan SSR Konstitusiyasının 71-ci maddələrinə təmamilə zidd idi. Faciə zamanı heç bir günahı olmayan yüzlərlə insan öldürülmüş, yaralanmış, itkin düşmüş, onlarla vətəndaş isə həbs edilmişdir.
Bu faciənin əsl müqəssiri o dövrdə SSRİ-nin prezidenti olan M.S.Qarbaçov barədə hər hansı cəza tədbiri görülməmiş, Azərbacanın başına gətirilmiş faciəyə beynəlxalq təşkilatlar tərəfindən siyasi qiymət verilməmişdir.
Məlumatda qeyd olunmuşdur ki, bu dəhşətli faciə yalnız Azərbaycan xalqının deyil, bütün bəşəriyyətin faciəsidir.
Bölmənin digər xəbərləri
