Terrorçunun cəzalandırılması Azərbaycan dövlətinin qəti və prinsipial mövqeyinin nəticəsidir VİDEO
Bakı, 22 may, AZƏRTAC
2023-cü ilin yanvar ayında Azərbaycanın Tehrandakı səfirliyinə hücum etmiş və səfirliyin əməkdaşı Orxan Əsgərovu qətlə yetirmiş Yasin Hüseynzadə edam olunub. Terrorçu ilə bağlı məhkəmə qərarının icra edilməsi Azərbaycan dövlətinin, Prezident İlham Əliyevin ədalətin bərpa olunması üçün nümayiş etdirdiyi qəti və prinsipial mövqeyinin nəticəsidir. Bu, Azərbaycan dövlətinin dünyanın hər bir yerində öz vətəndaşının yanında olduğunu, onun arxasında durduğunu bir daha nümayiş etdirdi.
Məsud Pezeşkianın prezidentliyi dönəmində iki ölkənin münasibətlərində irəliləyiş müşahidə olunub. Diplomatik əlaqələr baxımından ən önəmli hadisələrdən biri kimi ötən ilin iyul ayında ölkəmizin İrandakı səfirliyinin yeni ünvanda fəaliyyətini bərpa etməsi, eləcə də Məsud Pezeşkianın Bakıya səfəri normallaşma yolunda müsbət addımlar hesab olunur.
Daha ətraflı AZƏRTAC-ın videomaterialında izləyə bilərsiniz.
Bölmənin digər xəbərləri
