Tərtərdə ölümlə nəticələnən yol-nəqliyyat hadisəsi törədərək qaçan sürücü tutulub
Bakı, 17 sentyabr, AZƏRTAC
Sentyabrın 15-də saat 20 radələrində Tərtər rayonu ərazisində yolun kənarı ilə atla hərəkət edən Bərdə rayon sakini Asif Süleymanov naməlum avtomobillə vurulub. Xəsarətlə xəstəxanaya yerləşdirilmiş A.Süleymanovun həyatını xilas etmək mümkün olmayıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, hadisəni törədərək qaçmaqda şübhəli bilinən “QAZel” markalı avtomobilin sürücüsü, Ağdam rayon sakini F.Xəlilov Baş Dövlət Yol Polisi İdarəsinin və Tərtər Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində saxlanılıb.
Hadisə ilə bağlı araşdırmalar davam etdirilir.
Bölmənin digər xəbərləri
