Texas qubernatoru Ağ evi miqrasiya böhranında ittiham edib
Bakı, 12 may, AZƏRTAC
Texas ştatının qubernatoru Qreq Ebbott ABŞ Prezidenti Cozef Bayden administrasiyasını qanunsuz miqrasiya ilə bağlı vəziyyəti kəskinləşdirməkdə ittiham edib.
AZƏRTAC xəbər verir ki, Qreq Ebbott bu barədə özünün tviter səhifəsində yazıb.
“Cozef Bayden millətimizi qorumaq əvəzinə, cənub sərhədimizdə şlüzləri açır. Federal hökumət tərəfindən rəhbərlik tam iflasa uğrayıb”, - deyə qubernator bildirib.
Bir müddət öncə Qreq Ebbott dərinləşən miqrasiya böhranı ilə əlaqədar Texasda taktiki sərhəd qüvvələrin yaradıldığını elan edib. Meksika ilə sərhəddə təhlükəsizlik, həmçinin Milli qvardiyanın 10 min hərbçisi və ştatın ictimai təhlükəsizlik departamentinin 1,2 min əməkdaşı ilə gücləndiriləcək. Onların əsas vəzifəsi ABŞ-a qanunsuz daxil olmağa çalışan mühacirlərin tutularaq ölkədən çıxarılması olacaq.
Bölmənin digər xəbərləri
