TEXNİKİ YARDIM LAYİHƏSİ HƏYATA KEÇİRİLƏCƏKDİR
Azərbaycan hökuməti və Asiya İnkişaf Bankı arasında imzalanmış sazişə əsasən, ölkəmizdə “Erkən (məktəbəqədər) yaşlı uşaqların inkişafına texniki yardım layihəsi” həyata keçiriləcəkdir. Müəyyənləşdirilmiş 10 pilot rayonundan biri də Şamaxıdır.
Rayon təhsil şöbəsindən AZƏRTAC-ın müxbirinə bildirmişlər ki, layihənin icrasına başlanması ilə əlaqədar bankın nümayəndələri, beynəlxalq və milli məsləhətçilər rayonda da olacaq, məktəbəqədər təhsil müəssisələrinin fəaliyyətini, bu sahədə real vəziyyəti öyrənəcək, bir sıra görüşlər və müzakirələr keçirəcəklər. Ümumiyyətlə, Asiya İnkişaf Bankı tərəfindən maliyyələşdirilən bu layihə erkən yaşlı uşaqların inkişafının əsas göstəriciləri üzrə baza sorğusu aparmaq, problemləri aşkar etmək və ehtiyacları ödəmək, bu yaşda uşaqların inkişafını təkmilləşdirmək üzrə strateji proqram işləyib hazırlamaq məqsədi daşıyır.
Bölmənin digər xəbərləri
