TEYMUR RƏCƏBOV İVAN ÇEPARİNOVU MƏĞLUB ETMİŞDİR
AZƏRTAC xəbər verir ki, Azərbaycan şahmat məktəbinin yetirməsi, beynəlxalq qrossmeyster Teymur Rəcəbov Soçidə keçirilən FİDE-nin Qran-Pri turnirində ikinci mühüm qələbəsini qazanmışdır.
Beşinci tur çərçivəsində turnirin lideri, bolqarıstanlı İvan Çeparinovla qarşılaşan həmyerlimiz rəqibini 38-ci gedişdə məğlub etmişdir.
Digər şahmatçımız Vüqar Həşimov Çin nümayəndəsi Vanq Yu ilə xalları yarı bölmüşdür.
Digər görüşlərdə aşağıdakı nəticələr qeydə alınmışdır: B.Gelfand-Q.Kamski 0.5:0.5, A.Qrişşuk-P.Svidler 0.5:0.5, D.Navara-D.Yakovenko 0.5:0.5, V.İvançuk-Əl Modiaki Məhəmməd 0.5:0.5, L.Aronyan-S.Karyagin 0.5:0.5
Beş turdan sonra turnir cədvəlinə 3 xal toplamış T.Rəcəbov, İ.Çeparinov və A.Qrişşuk başçılıq edirlər.
Bölmənin digər xəbərləri
