“Tottenhem” klubu Kristian Eriksenin transferi üçün rekord qiymət müəyyən edib
Bakı, 9 yanvar, AZƏRTAC
Londonun “Tottenhem” klubu yarımmüdafiəçisi Kristian Eriksenin transferi üçün 225 milyon funta sterlinq (250 milyon avro) məbləğində rekord qiymət müəyyənləşdirib.
AZƏRTAC “AS” nəşrinə istinadla xəbər verir ki, London təmsilçisi Erikseni futbol tarixində rekord məbləğə satmağı düşünür. Bu futbolçu ilə “Real Madrid” yaxından maraqlanır.
Qeyd edək ki, “Real Madrid” son illərdə “Tottenhem”dən iki futbolçu transfer edib. Madrid təmsilçisi 2012-ci ildə Luka Modriç üçün 30 milyon funt sterlinq, 2013-cü ildə isə Qaret Beylə görə 101 milyon avro ödəyib.
Kristian Eriksen “Tottenhem”ə 2012-ci ildə Hollandiyanın “Ayaks” klubundan 13 milyon avroya transfer olunub. Cari mövsümdə İngiltərə Premyer Liqasında 18 oyunda meydana çıxan danimarkalı 4 qol və 7 məhsuldar ötürmə ilə yadda qalıb.
Bölmənin digər xəbərləri
