“Tottenhem” klubunun müdafiəçisi karyerasını başa vuracağı tarixi açıqlayıb
Bakı, 7 sentyabr, Nicat Məmmədov, AZƏRTAC
Belçika milli komandasının və İngiltərənin “Tottenhem” klubunun müdafiəçisi Yan Vertonqen karyerasını başa vuracağı tarixi açıqlayıb.
AZƏRTAC xəbər verir ki, futbolçu bu barədə deyib: “Tottenhem” klubu ilə müqaviləmin müddəti ilin sonunda başa çatacaq. Klub bu illər ərzində mənim üçün çox dəyərli olub. Düşünürəm ki, klub rəhbərliyi müqaviləm bitəndən sonra mənimlə işbirliyini davam etdirəcək. Fikrimcə, mənimlə bir illik müqavilə imzalana bilər. Əgər bunu istəməsələr, karyeramı başa vuracağam. Özümü başqa klubda görə bilmirəm. İngiltərə Premyer Liqasında 37-38 yaşında oynamaq çox çətindir”.
Y.Ventonqen 2012-ci ildən London təmsilçisinin şərəfini qoruyur. O, klubun heyətində 250 oyunda əsas heyətdə meydana çıxıb.
Bölmənin digər xəbərləri
