Türkiyə Birinci liqası: Azərbaycan futbolçusunun komandası səfərdə məğlub olub
Bakı, 5 mart, AZƏRTAC
Futbol üzrə Türkiyə Birinci liqasında 28-ci turun oyunları keçirilib.
AZƏRTAC xəbər verir ki, azərbaycanlı futbolçu Vüsal İsgəndərli formasını geyindiyi “Keçiörengücü”də növbəti matçına çıxıb.
Komanda səfərdə “Kocaelispor”la qarşılaşıb. Futbolçumuzun komandası bu oyundan məğlubiyyətlə ayrılıb - 0:1.
V.İsgəndərli də bu görüşün iştirakçısı olub. O, 46-cı dəqiqədə meydana buraxılıb.
“Keçiörengücü” 28 turdan sonra 34 xalla 19 kollektiv arasında 12-ci pillədə qərarlaşıb.
Bölmənin digər xəbərləri
