TÜRKİYƏ İRAQIN TƏLL-AFƏR ŞƏHƏRİNDƏ YARANMIŞ VƏZİYYƏTDƏN NARAHATDIR
Türkiyənin xarici işlər naziri Abdullah Gül bəyan etmişdir: “Əgər orada vəziyyət bu məcrada davam edərsə, ABŞ-la İraqda əməkdaşlığımız dayandırıla bilər”. O qeyd etmişdir ki, Türkiyə rəhbərliyi Təll-Afərdə yaranmış vəziyyətdən narahatlığını ABŞ-ın İraqdakı komandanlığının nəzərinə çatdırmışdır. Bundan sonra ABŞ-ın Ankaradakı səfirliyi bildirmişdir ki, əməliyyat şiə lideri Müqtəda əs-Sədrin şəhərə daxil olmuş tərəfdarlarına qarşı yönəldilmişdir. Əməliyyatın gedişində ABŞ ordusu əhalisinin əksəriyyəti etnik türkmənlərdən ibarət olan şəhərin dinc əhalisi arasında itkiyə yol verilməməsi üçün bütün tədbirləri görür.
Türkiyə mətbuatının məlumatına görə, Təll-Afərdə döyüşlər zamanı 51 etnik türkmən öldürülmüşdür. Lakin şəhərin türkmən ictimaiyyətinin nümayəndələri deyirlər ki, dinc əhali arasında ölənlərin sayı 500 nəfərdən çoxdur.
Bölmənin digər xəbərləri
