Türkiyə məktəblərində yeni tədris ilinə distant üsulla başlanılacaq
Ankara, 12 avqust, AZƏRTAC
Türkiyədə 2020-2021-ci tədris ili yeni növ koronavirus (COVID-19) pandemiyası səbəbindən distant üsulla başlanacaq. Bu üsulla tədris prosesinə avqustun 31-də start veriləcək.
AZƏRTAC xəbər verir ki, bu barədə qərar Türkiyə Səhiyyə Nazirliyinin Elmi Komitəsinin tövsiyəsi əsasında qəbul olunub. Türkiyənin Milli Təhsil naziri Ziya Selçuk məlumatında bildirib ki, normal tədris prosesinin sentyabrın 21-də başlanması planlaşdırılır. Koronavirusla bağlı ölkədəki vəziyyət və bunun məktəblərə təsiri sentyabrda yenidən dəyərləndiriləcək.
Qeyd edək ki, Türkiyədə koronavirus infeksiyasına gündəlik aşkarlanan yoluxma sayı 1200 nəfərə yaxındır.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
